सविस्तर

कामाची कटकट, घड्याळाची टिकटिक, ट्रेनचा थकवणारा प्रवास आणि रोजच्या डेडलाईन्स, या सगळ्यातून एक छोटी विश्रांती मिळावी अशी इच्छा प्रत्येकाची इच्छा असतेच हो ना ?, नाही म्हणूच नका! या इच्छापूर्तीसाठी एमटीडीसीने गणपतीपुळे येथे अनोखा उपक्रम सुरु केला आहे. या बोट क्लब मध्ये प्रत्येक प्रकारच्या पर्यटकाला एक परिपूर्ण अनुभव मिळेल,त्यात गणपतीपुळेच्या सौंदर्याबाबत नव्याने सांगण्याची गरज नाहीच! 

लाल माती, नारळी पोफळीची झाडं, गार वारा आणि प्रत्यक्ष बाप्पाचं वरदान लाभलेल्या या कोकणातील पर्यटनस्थळी 2020 मध्ये या बोट क्लब उपक्रमाचे उदघाटन झाले. उत्तम स्थितीत असणाऱ्या या बोट मधून एक सुरक्षित तरीही साहसी व थरारक सफारीचा आनंद आपण घेऊ शकाल. तुमच्या मित्र किंवा कुटुंबासह इथे घालवलेला एक दिवस तुमचा वर्षभराचा थकवा घालवून उत्साह देऊन जाईल. जेट स्की ते पॅरासेलिंग ते कायकिंग, आरामदायक लेक क्रूझ किंवा चौपाटीवरील पारंपरिक झोपडी मध्ये आराम असं अजून बरंच काही तुमची वाट पाहतेय. इतकेच नाही तर आमच्या बीच शॅक वर आपण समुद्राचे सुंदर देखावे बघत संध्याकाळ देखील घालवू शकता. तुम्ही फक्त दिनांक ठरवा!