साधं कधी पोहण्यासाठी गेल्यावर कोण जास्त वेळ पाण्याखाली राहू शकतो अशी पैज तुम्ही एकदातरी लावली असेल, हो ना? हाच अनुभव खोल समुद्रात घ्यायचा असेल तर त्यासाठी स्कुबा हा उत्तम मार्ग आहे. स्कुबा डायव्हिंगचे रीतसर प्रशिक्षण घेऊन आपण पाण्याखालील एका अनोख्या नव्या जगात प्रवेश घेऊ शकाल.

मूलभूत स्कूबा डायव्हिंग करण्यासाठी किंवा शिकण्यासाठी आधीपासून पोहता येण्याची आवश्यकता नाही. मात्र काही अभ्यासक्रमांसाठी पोहता येण्याची क्षमता आवश्यक आहे. या अभ्यासक्रमात तुमचे PADI (पाडी) प्रशिक्षक तुमच्या कौशल्यांचे मूल्यांकन खालील निकषांनुसार करतील: 

• 200 मीटर/यार्ड किंवा 300 मीटर/यार्ड (मास्क, पंख आणि स्नॉर्कलसह) पोहणे. यासाठी वेळेची मर्यादा नाही आणि आपण आपल्या आवडीची कोणतीही पोहण्याची पद्धती वापरू शकता. 
• तुम्ही निवडलेल्या कोणत्याही पद्धतीचा वापर करून 10 मिनिटे पाण्यात तरंगुन दाखवणे.

अरबी समुद्राच्या पाण्यात आपण तांबुसा, माकूळ, लायनफिश, रॉकफिश, मुरीश आइडल, ग्रूपर, मोरे इल, ट्रिगर फिश, बॅराकुडा, ट्रॅव्हली, फ्युसिलीयर्स, बॅनर फिश आणि शार्क असे जलचर पाहू शकता. तारकर्ली येथील समुद्रात स्थलांतरित आणि निवासी माशांच्या प्रजाती, विविध प्रकारच्या प्रवाळ प्रजाती आणि विविध सागरी वनस्पती आहेत. इंडो-पॅसिफिक हंपबॅक डॉल्फिन, लहान आकाराचा देवमासा, समुद्री कासव आणि सीगल सारख्या प्रजाती तर सामान्यतः दिसून जातात, मात्र जर का तुम्ही भाग्यवान असाल तर तुम्ही महाकाय देवमाशाच्या (Whale) विविध प्रजाती देखील पाहू शकाल.

गर्भवती महिला किंवा गर्भधारणेचा प्रयत्न करणाऱ्या स्त्रियांनी स्कूबा डायव्हिंग टाळावे अशी शिफारस केली जाते. अन्यथा मासिक पाळी असतानाही डायव्हिंग करण्यास हरकत नाही.

आवश्यक प्रशिक्षण आणि अनुभवासह, स्कूबा डायव्हिंग करताना 40 मीटर/130 फूट खोल जाऊ शकता. सुरवातीला स्कूबा डायव्हर्स उथळ पाण्यात पोहतात - याची खोलीही 18 मीटर/60 फूट असते. अनेक डायव्हर्स 12 मीटर/40 फूटच्या आसपास उथळ उबदार पाण्यात डायव्हिंगला प्राधान्य देतात कारण येथे उजेड अधिक असल्याने दृश्यमानता उत्तम आहे.

डायव्हिंग व्यतिरिक्त आपण तारकर्ली/मालवण समुद्रकिनारी साहसी खेळांचा अनुभव घेऊ शकता. डॉल्फिन पाहण्यासाठी समुद्र सफारी सहलीत सामील व्हा किंवा खारफुटीच्या जंगलातून चालताना वनस्पती व प्राण्यांच्या विविध प्रजातींचा अभ्यास करा, एकूण काय तर हे ठिकाण निसर्गप्रेमींसाठी अक्षरशः स्वर्ग आहे. इतिहास प्रेमींना छत्रपती शिवाजी महाराजांनी बांधलेल्या प्रसिद्ध सिंधुदुर्ग किल्ल्यालाही आवर्जून भेट देता येईल. याव्यतिरिक्त मालवण शहरात फेरफटका मारत असताना नगर परिषदेने विकसित केलेले रॉक गार्डन सुद्धा पर्यटकांच्या यादीत आवश्य असते.

आयआयएसडीए हे मूळ तारकर्ली गावात आहे.

आपल्या स्वत: च्या वाहनाने जर तुम्ही मुंबई/पुण्याहून प्रवास करत असाल तर: 

• कोल्हापूर-गगनबावडा-कणकवली-कसाल-मालवण-तारकर्ली मार्गे पर्याय उपलब्ध आहे. (मुंबई-गोवा महामार्गावर तारकर्ली सुद्धा यामार्गात लवकरच जोडले जाणार आहे).
• तुम्ही बेळगावहून प्रवास करत असाल तर तुम्ही बेळगाव-आंबोली-सावंतवाडी-कुडाळ-मालवण-तारकर्ली मार्गाने प्रवास करू शकता.
• गोव्यावरून, आपण गोवा-सावंतवाडी-कुडाळ-मालवण- तारकर्ली/ गोवा (अंजुना)-शिरोडा-वेंगुर्ला-मालवण-तारकर्ली या दोन मार्गांनी पोहोचू शकता.

आपण बस ने प्रवास करत असाल तर: 

• मुंबई ते तारकर्ली पर्यंत थेट खाजगी बस सेवा आहे. बस सेवा प्रदात्यांच्या क्रमांकासाठी कृपया IISDA शी संपर्क साधा. मुंबई/पुणे/नाशिक ते गोवा असा प्रवास करणाऱ्या अनेक बसेस आहेत. जर तुम्ही या बसने प्रवास करत असाल तर कसाल येथे उतरून तुम्ही राज्य परिवहन बस सेवांद्वारे मालवण-तारकर्ली येथे पोहोचू शकता.

जर आपण रेल्वेने प्रवास करणार असाल तर: 

• सिंधुदुर्ग (30 किमी), कुडाळ (30 किमी), कणकवली (45 किमी) आणि सावंतवाडी (50 किमी) ही रेल्वे स्थानके जवळ आहेत. सर्व रेल्वे ह्या जवळच्या रेल्वे स्थानकांवर थांबतात.

होय. मात्र, आपल्या पाळीव प्राण्यांद्वारे मालमत्तेस झालेल्या कोणत्याही नुकसानीसाठी आपण जबाबदार आहात.

अभ्यासक्रमात नाव नोंदणीसाठी तुम्हाला मदतीची आवश्यकता असल्यास, तुम्ही आमच्या कर्मचाऱ्यांशी बोलू शकता आणि त्यानुसार एमटीडीसी वेबसाईटवर अभ्यासक्रम आणि खोली ऑनलाइन बुक करू शकता. आम्ही ऑफलाइन / वॉक-इन बुकिंग स्वीकारतो,परंतु खोल्या उपलब्ध नसल्यास आपला हिरमोड होऊ नये म्हणून नेहमी पूर्व बुकिंग करण्याचा सल्ला देतो.

आमच्याकडे दर सोमवारी पाडी (PADI) ओपन वॉटर डायव्हिंग अभ्यासक्रम सुरू होतो . जर सोमवार ते शुक्रवारचे वेळापत्रक तुम्हाला शक्य नसेल, तर आपण आम्हाला ईमेल करू शकता जेणेकरून आम्ही कोणतेही शुल्क न घेता तुमच्या वेळेनुसार अभ्यासक्रम आयोजित करू शकू. 

निवासासाठी आपल्याकडे अनेक पर्याय आहेत. आयआयएसडीए (IISDA) मध्येच तुम्हाला तुमची खोली बुक करण्याची सोय आहे किंवा जवळच असलेल्या एमटीडीसी तारकर्ली रिसॉर्ट मध्ये देखील आपण बुकिंग करू शकता. दोन्हीसाठी ऑनलाइन बुकिंग करता येते. प्रवासाचा वेळ वाचवण्यासाठी आयआयएसडीए (IISDA) मध्ये राहण्याचा सल्ला दिला जातो. जर आमच्या सर्व खोल्या बुक असतील तर तुम्ही स्थानिक निवास व्यवस्था देखील तपासू शकता.

काही अभ्यासक्रमांसाठी, आपल्याला 200 मीटर मूलभूत पोहता येणे आवश्यक आहे. आपल्याला वैद्यकीय प्रश्नावलीचे उत्तर देखील द्यावे लागेल (वैद्यकीय प्रश्नावली येथे पहा) - जर आपण त्यातील प्रश्नांना "नाही" असे उत्तर दिले तर आपण तयार आहात. तुम्ही त्यापैकी कोणालाही "होय" असे उत्तर दिल्यास, तुम्हाला प्रथम या दस्तऐवजावर डॉक्टरांची मंजुरी मिळणे आवश्यक आहे. विशेष अभ्यासक्रमांसाठी, पूर्वश्रेणीमध्ये नमूद केल्याप्रमाणे एखाद्याला आवश्यक डायव्हिंग प्रमाणपत्र असणे आवश्यक आहे.

डायव्हिंगसाठी ऑक्टोबर ते मे पर्यंत उत्तम वेळ असते. खोल समुद्रात स्कूबा डायव्हिंगसाठी तुम्ही कधीही भेट देऊ शकता. तथापि, आम्ही तुम्हाला शिफारस करतो की तुम्ही तुमच्या एका तासाचा पूल आणि वर्ग सत्र आधीच्या दिवशी करा जेणेकरून दुसऱ्या दिवशी तुम्हाला मुख्य समुद्रातील डायव्हिंग सकाळपर्यंत पूर्ण करण्यास मदत होईल. एकाच दिवशी पूल मधील प्रशिक्षण आणि डायव्हिंग पूर्ण करणे कठीण होऊ शकते. 

पाडी (PADI) ओपन वॉटर डायव्हिंगचा प्रमाणपत्र अभ्यासक्रम, सहसा सोमवार ते शुक्रवार असते. प्रमाणित डायव्हर्स आणि प्रगत अभ्यासक्रमासाठी, आपण आधीच बुकिंग करावे जेणेकरून योग्य वेळ नेमून दिली जाईल.

तारकर्ली समुद्रकिनारा पावसाळ्यात खरोखरच जादुई असतो. पावसाळ्यात खराब हवामानामुळे खुल्या समुद्रात डुबकी मारता येणार नाही पण काही पूल सत्रे करणे आणि पावसाळी सरींसह डायव्हिंगचा आनंद घेणे हा अद्भुत अनुभव ठरतो. पावसात तारकर्लीला भेट  देण्याचा फायदा असा की हा पर्यटनाचा काळ नसल्याने राहण्यासाठी अनेक पर्याय उपलब्ध असतात. तसे याठिकाणी अनेक सवलती सुद्धा पावसाळयात उपलब्ध असतात.

आम्ही विविध पेमेंट पद्धती स्वीकारतो. डेबिट / क्रेडिट कार्ड, नेट बँकिंग, यूपीआय, इत्यादी मार्गाने पेमेंट तर वॉक-इनसाठी रोख पैसे देखील स्वीकारले जातात.

आपण ईमेल किंवा फोनद्वारे आमच्यापर्यंत पोहोचू शकता (ही माहिती येथे जोडा).आपल्याला मदत करण्यात  असला तरी काही वेळेस संपर्क क्रमांक व्यस्थ असू शकतो म्हणून कृपया संकेतस्थळावरील माहिती काळजीपूर्वक वाचा, कारण ही माहिती अद्ययावत असते, यातच आपल्या अनेक शंकांचे निरसन होईल. 

आपणास कानाचे किंवा सायनसचे त्रास नसल्यास पाण्याखाली त्रास होण्याचे काही कारण नाही, जर आपल्याला कमी प्रमाणात कान दुखत असतील तर घाबरण्याचे कारण नाही, पाण्याच्या दबावाने असे होणे साहजिक आहे. या दबावाची सवय करून घेण्यासाठी आपल्यलाला कानांना त्वरित तयार करता येते - ते कसे करावे हे प्रशिक्षण सुद्धा आपल्याला घेता येईल. जर तुम्हाला विमानाने प्रवास करताना हवेच्या दाबांशी जुळवून घेण्यात काही अडचण येत नसेल, तर तुम्हाला डायव्हिंग करताना पाण्याच्या दाबांशी जुळवून घ्यायला शिकण्यात कोणतीही अडचण येणार नाही.