सविस्तर

सिंधुदुर्ग जिल्ह्यातील वेंगुर्लेपासून 17 कि.मी. अंतरावर निसर्गरम्य शिरोड्याचा समुद्र हा रम्य वातावरण व निळ्याशार पाण्यासाठी ओळखला जातो. समुद्र किनाऱ्यापाशीच आपणास शंभराहून अधिक नारळी पोफळीची झाडे दिसतील, लांबच लांब पसरलेली पांढऱ्या शुभ्र वाळूची सुंदर, रम्य चौपाटी व त्यालगत असलेले भल्यामोठ्या सुरुच्या वृक्षांचे बन हे शिरोड्याचे वैभव आणि अनोखे वैशिष्टयही आहे. 

अलीकडे या चौपाटीवर सर्फिंग, पॅरासेलिंग, काईट सर्फिंग आणि अन्यही अनेक खेळ स्थानिक मंडळींकडून सुरु करण्यात आले आहेत, गोव्यापासून अवघ्या 7 किमी अंतरावर असणारं हे सुंदर वैभव पाहून तुम्ही आनंदून जाल हे नक्की!