शहराच्या गोंगाटापासून दूर, निर्जन स्थळी जाऊन काही क्षण का होईना राहावं अशी जवळपास प्रत्येक चाकरमान्याची इच्छा असते, त्या सर्वांसाठी हा निवांत श्रीवर्धन किनारा एक अनमोल खजिना आहे. स्वच्छ पांढऱ्या वाळूचा समुद्रकिनारा व लाटांचा आवाज तुम्हाला स्वतःशी जोडले जाण्यास मदत करेल.

पर्यटनाच्या बाबतही श्रीवर्धन अत्यंत समृद्ध आहे. येथील लक्ष्मी नारायण मंदिर, सुवर्ण गणेश मंदिर, जवळच असलेले हरिहरेश्वर आणि दिवेआगर व अन्य समुद्रकिनारे तुमचा सर्व थकवा बाजूला सारत निसर्गाचे मनोहर रूप दाखवतील.श्रीवर्धनची एक ऐतिहासिक ओळख म्हणजे हे पेशव्यांचे मूळ गाव, याठिकाणी अजूनही पेशवेकालीन बऱ्याच वास्तू आणि मंदिरे पाहायला मिळतात. त्यामुळे जर का कामाच्या धबडग्यातून काही दिवस सुटका हवी असेल तर या सहलीचं नियोजन सुरु करा.