सविस्तर

मदनगड किंवा दापोली येथून हाकेच्या अंतरावर स्थित छुपा खजिना म्हणजे वेळास समुद्रकिनारा. डोंगररांगा व कडेला हा स्वच्छ, सुंदर किनारा असे नेत्रसुखद दृश्य येथे पाहायला मिळते. सामन्यातः समुद्रकिनारी माणसांची गर्दी आपण पाहिली असेल पण या किनाऱ्याचे वैशिष्ट्य असे की इथे चक्क कासवांची जत्रा भरते. मागील कित्येक वर्षे फेब्रुवारी पासून एप्रिलच्या मध्यापर्यंत, वेळास समुद्रकिनारी दुर्मिळ ऑलिव्ह रिडले कासव गर्दी करतात. 

थंडगार बेभान वारा, फेसाळत्या समुद्राच्या लाटा, नारळी पोफळीच्या बागा आणि सोबत कोकणी मेजवानी! या सहलीचं नियोजन करण्यासाठी आणखी काही कारणं हवीत का?