बीच बद्दल

महाराष्ट्रातील समुद्रकिनाऱ्यांची यादी पाहायची झाली तर चंद्रकोरीच्या आकाराचा, नारळी पोफळीच्या बागांनी वेढलेला वेळणेश्वर किनारा हा एक दडलेला हिरा म्हणता येईल. इथल्या मऊशार वाळूच्या किनाऱ्यावर आपण कुटुंबासह सहलीची मजा घेऊ शकता, इथले पाणी इतके स्वच्छ आहे की त्वचेच्या समस्या किंवा अन्य कोणताही किंतु मनात न बाळगता इथे बिनधास्त पोहू शकता. 

कला रसिक आणि वास्तुकलेच्या अभ्यासकांसाठी व शिवभक्तांसाठी किनाऱ्यावर वसलेल्या वेळणेश्वर मंदिराची भेट एक अद्भुत आनंद ठरेल. निळ्या, पिवळ्या व गुलाबी रंगाच्या छटांच्या रंगांनी सजलेल्या या शिवमंदिराची स्थापना अंदाजे 1200 वर्षांपूर्वी झाली होती .महाशिवरात्रीला या मंदिरात मोठा उत्सव आयोजित केला जातो.