सविस्तर

'ज्वेल ऑफ सह्याद्री' म्हणजेच लोणावळा व तिथून फक्त 3 किमी अंतरावर स्थित खंडाळा ही दोन थंड हवेची ठिकाणे कित्येक दशकांपासून पर्यटकांना आकर्षित करत आहेत. मुंबई-पुणे एक्सप्रेसवे लगत समुद्रसपाटीपासून 2041 फूट उंचीवर वसलेली ही गिरीस्थाने वीकएंडच्या सुट्टीसाठी अनेकांची पहिली पसंती असतात. 

या ठिकाणचा नेत्रसुखद निसर्ग व सूर्यास्त जणू काही एखाद्या चित्रासारखा मनोहर भासतो. येथील प्राचीन लेणी व धबधबे एकूणच सौंदर्यात भर टाकतात अलीकडे अनेक तरुण निसर्गप्रेमींकडून लोणावळा आणि खंडाळा परिसरात मोठ्या प्रमाणात कॅम्पिंगचे आयोजन केले जाते.