याठिकाणी काय पाहाल

जागतिक वारसा म्हणून ख्यात असणाऱ्या अजिंठा लेणींचे माहेरघर म्हणजेच औरंगाबाद मधील फर्दापूर हे मोजक्या वस्तीचे गाव! अजिंठा लेण्यांमध्ये दुसऱ्या शतकापासूनच्या अनेक ऐतिहासिक घटनांची नोंद आढळते. या लेणी डोंगराच्या शीराला पोखरत कोरलेल्या असून त्यात भगवान गौतम बुद्धांचे जीवन शिल्पकला व चित्रांच्या माध्यमातून चित्रित केले आहे. असे म्हणतात की 1891 मध्ये ब्रिटीश सैनिकांना त्यांच्या एका शोधकार्या दरम्यान अजिंठा लेण्यांचा शोध लावला आणि 1983 मध्ये या लेण्यांना युनेस्कोने जागतिक वारसा स्थळ म्हणून घोषित केले. अजिंठा लेण्यांच्या निर्माण कार्याला आता अनेक शतके लोटली असली, तरीही तुम्ही मात्र आजही त्यांचे सौंदर्य पाहून नक्कीच मंत्रमुग्ध व्हाल!

रिसॉर्टची वैशिष्ट्य

आमचे फर्दापूर येथील पर्यटक संकुल ऐतिहासिक अजिंठा लेणीच्या अवघ्या काही अंतरावर असून इथल्या समृद्ध सौंदर्याला अगदीच सामावून घेतो. विविध प्रकारच्या सुख-सुविधांनी सज्ज असलेल्या या रिसॉर्ट मधील इथल्या आरामदायक व प्रशस्त खोल्या सहकुटूंब सहलीसाठी सर्वोत्तम ठरतात. अजिंठा लेणी ची सफर करायला आलेल्या प्रत्येक इतिहासप्रेमीने निसर्गाच्या सानिध्यात असलेल्या आमच्या रिसॉर्ट मध्ये एकदा तरी यायलाच हवे. मनाला प्रसन्न करणारे वातावरण व मुलांना खेळायला मोठं आंगण, म्हणजे अगदी लहानमोठ्यांच्या आनंदाची इथे सोय आहे यात काही शंका नाही.