याठिकाणी काय पाहाल

एमटीडीसी फर्दापूर जवळील अजिंठा लेण्यांचे वैभव आयुष्यात एकदा तरी अनुभवण्यासारखे आहे. दुसऱ्या शतकात कोरलेल्या या लेण्या वास्तुशास्त्र आणि भुगर्भशास्त्राचे एक अद्भुत आश्चर्य आहेत. तशा रहदारीच्या मार्गात नसल्याने या लेण्यांच्या सभोवताली जंगल वाढून येथे प्रवेश करणे कठीण झाले होते, परिणामी अनेक वर्ष या लेण्या लपूनच राहिल्या. 1819 मध्ये एका ब्रिटीश शिकारी ताफ्याने या लेण्या पुन्हा शोधल्या. अनेक वर्ष लोकांच्या नजरेआड असल्यामुळे त्यातील बऱ्याच गोष्टी जतन केल्या गेल्या आहेत. सुंदर कोरलेली शिल्पे, चित्रशिल्पे आणि मठ पर्यटकांनी अवश्य पाहावेत .1983 मध्ये अजिंठा लेण्यांची युनेस्कोच्या जागतिक वारसा स्थळांमध्ये नोंद करण्यात आली.

रिसॉर्टची वैशिष्ट्य

अजिंठा लेण्यांच्या भेटीनंतर सभोवतालचा परिसर पाहण्यासाठी आणखी काही दिवस राहण्याचा आपला बेत असेल तर जवळच स्थित एमटीडीसी अजिंठा रिसॉर्ट आपली पूर्ण सोय करेल. निसर्गाच्या सानिध्यातील या रिसॉर्ट मध्ये आधुनिक सुविधांनी सुसज्ज पाच प्रशस्त व्हिला असून त्यांच्या खोल्यांमधून पावसात रिसॉर्ट बाहेर बागडणारी हरणे पाहणे एक अविस्मरणीय अनुभव ठरतो.ऐतिहासिक वारसा लाभलेल्या शहरात काही निवांत क्षण घालवण्यासाठी एक उत्तम ठिकाण एमटीडीसीने खास आपल्यासाठी तयार केले आहे.