याठिकाणी काय पाहाल

आयुष्यात काही साहसी व पराक्रमी करण्याची इच्छा असलेल्या सर्व युवांनी एकदा तरी भंडारदऱ्याला भेट द्यायला हवी. ट्रेकिंग आवडत असल्यास राज्यातील सर्वात उंच शिखर, कळसूबाई शिखर, 200 वर्ष जुना रतनगड किल्ला, आणि अगदी प्राचीन सहाव्या शतकातील हरिश्चंद्रगड किल्ला अशी काही भंडारदरा मधली लोकप्रिय ठिकाणे आपली वाट बघत आहे. आर्थर तलावाच्या सभोवती अनेक पर्यटक कॅम्पिंग करायला येत असत. आपण पावसाळा सुरू होण्यापूर्वी भंडारदराला भेट दिलीत तर चमचमणाऱ्या काजव्यांच्या झुंडी आपले स्वागत करतील. पावसाळ्यानंतर, विल्सन धरणापासून उगम पावणारा अम्ब्रेला फॉल पर्यटकांसाठी एक विस्मयकारक नजारा निर्माण करतो. एकूण काय तर भंडारदरा म्हणजे रोमांचक असे निसर्गसौंदर्याने नटलेले एक अद्भुत ठिकाण आहे.

रिसॉर्टची वैशिष्ट्य

भंडारदऱ्यामधील निसर्गसौंदर्याचे दर्शन आपण एमटीडीसी भंडारदरा रिसॉर्ट मध्ये राहून निश्चितपणे घेऊ शकता. आर्थर सरोवराच्या जवळ असलेले हे पर्यटक संकुल लहानमोठ्यांना इथले आल्हादायक वातावरण जवळून अनुभवायची संधी देते. विविध प्रशस्त खोल्यांचे प्रकार व्यतिरिक्त रिसॉर्टमध्ये पार्किंग व खेळण्यासाठी मोठी जागा व मेजवानीसाठी लेक व्यू उपहार गृह आहे. इथे ताज्या खेकड्याचं कालवण, काटला माशांचे कालवण नक्की चाखून पहा. आर्थर लेक आणि विल्सन धरण इथून जवळ असल्यामुळे, या भागात राहण्याची ही एक उत्तम जागा आहे.