याठिकाणी काय पाहाल

मुंबईपासून काही तासाच्या अंतरावर असलेल्या हरिहरेश्वरमध्ये आपण हिरव्यागार टेकड्या, प्राचीन मंदिरे, समुद्रकिनारे आणि विस्मयकारक निसर्गाच्या सानिध्यात सुट्टीचा अनुभव घेऊ शकता. हरिहरेश्वर मंदिराला स्वतः महादेवांनी आशीर्वाद दिल्याचे मानले जाते म्हणूनच या ठिकाणाला देवघर किंवा "हाऊस ऑफ गॉड" अशीही ओळख आहे. इतकेच नाही तर एकीकडून हरीशांचल व दुसरीकडून पुष्पादरी टेकड्यांनी घेरलेले हे ठिकाण 'हॅम्लेट ऑफ पीस' म्हणजेच शांततापूर्व गाव म्हणून ही ओळखले जाते. या प्रदेशाला दगडांचा अंशही नसलेले दोन समुद्र किनारे लाभलेले असून, एक उत्तरेकडे आणि दुसरा हरिहरेश्वर मंदिराच्या दक्षिणेस आहे. सूर्योदय व सूर्यास्ताच्या वेळी किनाऱ्याचे सौंदर्य आणखीन खुलून येते.

रिसॉर्टची वैशिष्ट्य

समुद्राच्या लाटांची गाज ऐकत आपला दिवस सुरु करण्याचा अनुभव घ्यायचा असेल तर एमटीडीसी हरिहरेश्वर पर्यटक संकूलाला तुम्हाला भेट देता येईल. हे शांततापूर्ण रिसॉर्ट समुद्र किनाऱ्यापासून थोड्याच अंतरावर आहे. इथे अनेक प्रशस्त हवेशीर जागा असून, बसून तुम्हाला रमणीय निसर्ग पाहता येईल. या रिसॉर्ट मध्येच मायरा उपहारगृह असल्याने स्थानिक चमचमीत, रसदार पदार्थांचा आस्वाद, समुद्राच्या लाटांचा आनंद घेत तुम्हाला घेता येईल. आपल्या मुक्कामासाठी प्रीमियर सूट, कॉटेज, सी फेसिंग असलेले कॉटेज आणि आलिशान सुट असे अनेक पर्याय उपलब्ध आहेत.