याठिकाणी काय पाहाल

नवी मुंबई हे संपूर्ण जगातील सर्वात मोठे नियोजित शहर म्हणून ओळखले जाते आणि त्यातील सर्वात विकसित ठिकाण म्हणजे खारघर! खारघर च्या आसपास अनेक पर्यटन स्थळं आहेत व त्यातीलच एक स्थानिकांची पसंत असलेल्या खारघर टेकडीवर आपण ट्रेकींगला जाऊ शकता. जवळ असलेल्या कर्नाळा पक्षी अभयारण्यात तुम्हाला 200 हुन अधिक पक्ष्यांच्या प्रजाती पाहता येतील तसेच बेलापूर आंबा बागेत निवांतपणे फिरण्याची मौज अनुभवता येईल. याशिवाय 107 मीटर उंच पांडवकडा धबधब्याची भेट आपल्यासाठी एक अविस्मरणीय अनुभव असेल. हे सगळं केल्यांनतर शांतंता पूर्ण वातावरणात म्हणजेच इस्कॉन मंदिरात जाणे अजिबात चुकवू नका. जर आपण क्रीडाप्रेमी असाल तर आंतरराष्ट्रीय शैलीतून बांधलेला खारघर व्हॅली गोल्फ कोर्स पाहणे सुद्धा तुमच्या शहर भेटीच्या योजनेत असायला हवं!

रिसॉर्टची वैशिष्ट्य

विकसित होत असलेल्या व्यवसायिक केंद्रांमुळे आणि औद्योगिक क्षेत्रांमुळे नोकरीच्या शोधत असलेल्यांसाठी खारघर एक लोकप्रिय स्थान आहे यात काही शंका नाही. खारघर मधील एमटीडीसी रिसॉर्ट हे एक आधुनिक रिसॉर्ट असून सर्व सुख सुविधांनी समृद्ध आहे. मुंबईमध्ये पहिल्यांदा आलेल्या कोणत्याही नवख्या माणसाला राहण्यासाठी हे एक आदर्श पर्यटक संकुल आहे असे म्हणता येईल. या रिसॉर्टमध्ये रूम व्यतिरिक्त प्रशस्त कॉन्फरन्स रूम, जिम आणि तणाव हलका करण्यासाठी एक स्पा सेंटर उपलब्ध आहे. सर्व आरामदायक सुविधांनी सज्ज असलेल्या या रिसॉर्टमध्ये व्यवसायासाठी प्रवास करणारे व्यावसायिक अधिकारी तसेच शहरात येणारे पर्यटक आकर्षित होतात.