याठिकाणी काय पाहाल

महाराष्ट्रातील सर्वात जुने आणि सर्वात मोठे राष्ट्रीय उद्यान म्हणजेच ताडोबा-अंधारी. हा व्याघ्र प्रकल्प 1955 स्थापण्यात आला असून, अनेक वाघ, वन्य प्राणी, पक्षी, सरपटणारे प्राणी, फुलपाखरे आणि कीटकांसाठी हे हक्काचे मुक्त निवासस्थान आहे. ताडोबा म्हणलं कि जंगल सफारी त्याचा एक अविभाज्य घटक असतो, यात काही वाद नाही. घनदाट जंगल व अनेक दऱ्यांनी समृद्ध अश्या ताडोबा व्याघ्र प्रकल्पात सफारीचा थरार प्राणीप्रेमींसाठी नक्कीच अविस्मरणीय अनुभव ठरतो.

रिसॉर्टची वैशिष्ट्य

आपण निसर्गाच्या मध्यभागी व सरोवराच्या काठी असलेल्या या एमटीडीसी ताडोबा रिसॉर्टमध्ये निवासादरम्यान सर्वात मोठ्या राष्ट्रीय उद्यानातील वन्यजीवांना पाहू शकता. हा वन्य परिसर घनगर्द निबीड निसर्ग आणि लहान-मोठ्या पाण्याच्या साठ्यांनी वेढलेला आहे. एका जागेवर बसून जंगालकडे नजर टाकता येईल अशी बैठक व्यवस्था रिसॉर्ट मध्ये करण्यात आली आहे. या निवासस्थानी राहिल्यानंतर जंगलाच्या मध्यभागीच राहिल्याचा अनुभव तुम्हाला येईल. रिसॉर्ट मध्ये व्हीआयपी सुट, ग्रुप अकोमोडेशन ते सहकुटूंब सह परिवार राहता येईल अशा प्रशस्त खोल्या आहेत.