याठिकाणी काय पाहाल

तारकर्ली मधील इंडियन इन्स्टिट्यूट ऑफ स्कूबा डायव्हिंग अँड एक्वाटिक स्पोर्ट्स (IISDA) ला दिलेली भेट म्हणजे आयुष्यातील सर्वात साहसी आणि थरारक गोष्ट असल्याचे अनेक पर्यटक म्हणतात. तारकर्ली हे महाराष्ट्रातील असे ठिकाण आहे जिथे आपण स्कुबा डायव्हिंगचे प्रशिक्षण घेऊ शकता तर तेच डायव्हिंग IISDA मधून शिकणे एक उत्कृष्ट पर्याय आहे. अगदी समुद्राच्या किनाऱ्यावर उभारण्यात आलेलं, IISDA हे भारतातील जवळजवळ 25 फुट खोल स्कुबा डायव्हिंगचा पुल असणारी व सर्व सुविधांनी सुसज्ज पहिली संस्था आहे. पाण्याखालील अद्भुत विश्वाची सफर करण्यासाठीचे हे द्वार तुमची वाट पाहतंय! येताय ना?

रिसॉर्टची वैशिष्ट्य

स्कुबा डायव्हिंगचा थरार अनुभवल्यानंतर विश्रांतीसाठी कुठे जायचं? IISDA तारकर्ली रिसॉर्टमध्ये ही सोय सुद्धा उपलब्ध आहे. अगदी हाकेच्या अंतरावर असणारा निळाशार समुद्र आपला निवास नक्कीच अविस्मरणीय करेल. समुद्राचे निळे पाणी, सोनेरी वाळू यांना भिडणारे आकाश, आणि शांत निसर्गाचा सुंदर नजारा अनुभवणे म्हणजे खरोखरच स्वर्गसुख समुद्रकिनाऱ्यावर फिरताना किनाऱ्यावर बसण्यासाठी आपण तंबू घेऊन जाऊ शकता.आम्ही समुद्रकिनाऱ्यावर पर्यटकांसाठी खाजगी फिरण्याच्या जागा, स्वादिष्ट भोजन आणि जवळच्या परिसरात पर्यटनाला साजेशी वातावरण निर्मिती केलेली आहे. आपण या ठिकाणाहून सूर्योदय आणि सूर्यास्तासह रंगांची छटा बदलणारे आकाश अनुभवू शकता.